„БитФест“: Поетско матине со грчкиот поет Јоргос Јанопулос

255

Битолското културно лето „БитФест“ синоќа продолжи со поетско матине кое за публиката во овој град го приреди современиот грчки поет, Јоргос Јанопулос.

Јанопулос е поет, романсиер, есеист, преведувач, уредник и издавач, роден во Атина. Живеел во Њујорк, Париз, Амстердам и Брисел, а денес живее во Солун, каде раководи со издавачката куќа „Енекен“.

На синоќешното поетско матине во Битола беше истакнато дека Јанопулос објавил три збирки поезија „Патеки“, „Летото на смртните“ и „Зборови на смртта и љубовта“, како и романот „Црната книга“, а во својата ревија „Енекен“, меѓудругите превел дела на Владо Урошевиќ и Томислав Османли, и ја претставил битолската ликовна уметница Сандра Котевска.

Поезијата на Јанопулос синоќа беше збогатена и со музика во изведба на извонредната музичарка со грчко потекло, Мелина Илиопулу, родена во Варна, Бугарија, која од 1986 година е редовен член на државниот оркестар на Солун, а членува и во мали музички состави кои свират собна музика Тес –квинтет и Фаготисимо.

Поетското матине со Јоргос Јанопулос го следеа вљубеници во поезијата, членови на македонско грчкото друштво од Битола, претставници на Влашката заедница во Битола и градоначалникот на Битола Наташа Петровска.