БОЗДАГ: Турција набрзо ќе го ослободи Африн од терористите

54
A Turkish-backed Free Syrian Army fighter is seen in Afrin, Syria March 2, 2018. REUTERS/Khalil Ashawi TPX IMAGES OF THE DAY

Турција набрзо ќе го ослободи градот Африн (северна Сирија) од терористи, изјави турскиот вицепремиер и портпарол на Владата, Бекир Боздаг.

Тој посочи дека од почетокот на турската операција во Сирија од јануари загинале 42 турски војници, а 3.381 терористи се неутрализирани.

– Во скоро време градот Африн ќе биде исчистен, наведе Боздаг.

Турската армија на 20 јануари ја почна операцијата „Маслиново гранче“ во реонот на Африн. Операцијата е насочена против сириските курдски милиции Сили за заштита на народот и Партија на демократската унија, кои за Анкара се терористички организации, поврзани со Курдска работничка партија.

Боздаг најави дека на 4 април во Истанбул ќе се одржи трилатерална средба за Сирија помеѓу Турција, Русија и Иран.

– Средба на руско-турскиот Совет за соработка на висок ниво ќе се одржи на 3 април, на кој ќе учествува и (претседателот на Русија, Владимир) Путин. Потоа на 4 април во Истанбул ќе се одржи средба Турција-Русија-Иран за Сирија, наведе Боздаг.