Во метрополата регистрирани 13 сообраќајки, едно лице загина

119
soobrakajka

Едно лице загинало во една од вкупно 13 сообраќајни несреќи регистрирани во текот на вчерашниот ден на подрачјето на СВР Скопје. Во четири полесно биле повредени пет лица, а во осум причинета е материјална штета.

Како што информира МВР, во текот на вчерашниот ден сообраќајната полиција открила и санкционирала поголем број прекршоци. Педесет и еден возач се движеле со брзина поголема од дозволената, едно лице било исклучено од сообраќај поради управување на возило под дејство на алкохол, четири лица пред да се стекнат со право на управување на моторно возило, како и шест лица со истечена важност на сообраќајната дозвола. Санкциониран бил и еден пешак кој поминал коловоз надвор од пешачки премин и шест возачи поради неправилно престројување. Затекнати биле 93 непрописно паркирани возила.

Со помош на специјалното возило пајак, отстранети биле 82 возила.