ДОБРА МОТИВАЦИЈА: Ракометарите ќе делат 100.000 евра аке влезат во полуфинале

126

Рекордна премија од 100.000 евра е наградата која ќе ја добијат ракометарите доколку тие успеат да стигнат до полуфиналето на Европското првенство. Ова го најави првиот човек на Ракометната федерација на Македонија (РФМ), Живко Мукаетов.

Непосредно пред заминувањето за Хрватска, на завршниот состанок на управата и стручниот штаб на РФМ со репрезентативците Мукаетов ги најавил паричните премии, кои ќе зависат од остварениот резултат.

„Мукаетов најави премија од 30.000 евра за репрезентацијата доколку се оствари пласман во втората фаза од првенството и дополнителни 30.000 евра (или вкупно 60.000 евра) доколку А-тимот обезбеди пласман на некое од првите шест места на првенството.

Доколку репрезентативците, пак, успеат да стигнат до полуфиналето на ова првенство, РФМ вети премија од дополнителни 40.000 евра или вкупно 100.000 евра.

По исполнување на некои од овие услови, споменатите предлози за парични премии ќе бидат предложени за верификација до Управниот одбор на РФМ“, стои во соопштението кое е објавено на интернет-страницата на РФМ.

Сениорската машка репрезентација на Македонија првиот меч на ЕП ќе го одигра в сабота во 19:30 часот против селекцијата на Словенија.