ЕУ ќе ја тужи Британија поради загаден воздух на пристаништата?!

171
Pristanista_Britanija

Бродовите се многу поголеми извори на загадување во Британија отколку што е сугерирано во податоци од 2014 година, покажуваат резултатите од новите анализи претставени во извештај на Националниот попис на атмосферски емисии (NAEI) за британската Влада.

Емисијата на отровниот азот-диоксид околу големите пристаништа и поморски патишта во Британија е за четирипати поголема отколку што е претходно наведено. Нивото на сулфур-диоксид е тројно поголемо.

Акепсери наведуваат дека загадувањето од бродовите кои се концентрирани околу големите пристаништа како Сеутемптон, Гримзби и Ливерпул предизвикуваат голема загриженост за здравјето на локалните жители.

Индипендент потсетува дека долготрајната изложеност на азот и сулфур-диоксид може да предизвика низа здравствени проблеми од астма до рак и оти тоа е поврзано со смет на околу 40.000 луѓе годишно во Британија.

Британската Влада моментно се соочува со жестоки критики и можна тужба од Европската унија бидејќи не намалила нивоа на загадување на воздухот.

– Автомобилите не се единствен извор на штетни гасови во воздухот. Бродовите трошат помалку од автомобилите, но користат горива кои произведуваат поголеми нивоа на штетни гасови отколку возила со дизел мотори, истакнува токсикологот Мет Локшем од Универзитетот во Саутемптон.