Криштопанс: Вардар на сите ракометари им должи пари, проблемите бавно се решаваат

134

Летонскиот џин, Даинис Криштопанс вели дека проблемите во Вардар се решаваат но многу бавно, клубот им должи огромни пари на играчите.

Во интервју за летонските медиуми, Криштопанс проговори и за проблемите кои ракометарите ги имаат во Вардар.
„Финансиските проблеми кои почнаа минатата сезона, продолжуваат и оваа. Долгот е огромен. Клубот должи речиси на сите ракометари, на некои повеќе, на некои помалку. Проблемите се решаваат, но бавно. Сѐ во клубот се движи многу бавно“, вели Криштопанс.
И покрај сите проблеми од финансиски аспект со кои се соочува тој и неговите соиграчи, Криштопанс вели дека никогаш нема да го заборави трофејот во Лигата на шампионите и пречекот во Скопје.
„Во Келн бевме аутсајдери на хартија. Но не секогаш тоа што ќе се напише на хартија е точно. Изгинавме на теренот и заслужено победивме. Триумфот во Лигата на шампионите ми е награда за сиот вложен труд во кариерата. Никогаш нема да го заборавам враќањето во Скопје, кога бевме пречекани како национални херои“.