ПОЗНАТ ФИЗИЧАР СОВЕТУВА: Ако налетате на вонземјанин, обидете се да го избегнете!

149

Да! Физичарите започнаа да советуваат како треба да се однесуваме доколку забележиме вонземјанин. Прочитајте за ставот физичарот Мичио Каку, кој ви го пренесуваме во целост.

Каку смета дека евентуалниот контакт со вонземјани треба да биде избегнат, бидејќи нема информации за какви суштества станува збор.

– Да претпоставиме дека се шетате низ шума и забележите животни, ќе поминете некое време со нив и ќе ви стане досадно бидејќи не можете да ги споделите вашите идеи со нив. Сметам дека од истата причина и вонземјаните не се заинтересирани за нас – немаме што да им понудиме, нагласува Каку.

Според  него, другите цивилизации би можеле да бидат технолошки многу понапредни од нас, па контактот со нив може да биде опасен за нас.

– Претпоставувам дека повеќето се мирољубиви, бидејќи не претставуваме никаква закана за нив. Но, сепак, постои ризик кој не смееме да си го дозволиме затоа што немаме никакви шанси против нив, наведува Каку.

Физичарот потенцира дека не би требало да се трудиме да привлекуваме внимание на евентуалните вонземјани, бидејќи не ги знаеме нивните намери.