Промоција на „Крстна коска“ од Наташа Сарџоска во МКЦ

39

Промоција на стихозбирката „Крстна коска“ од Наташа Сарџоска ќе се одржи вечерва со почеток во 20 часот во бифето на Младинскиот културен центар.

Книгата е во издание на „ПНВ Публикации“, промотор ќе биде Димитар Пандев, стиховите ќе ги чита самата авторка, а гостинка ќе биде Ема Величковска.
Наташа Сарџоска (1979, Скопје) е поет, писател, есеист, антрополог, преведувач и перформер. Има докторирано антропологија на Карлс Еберхард во Тубинген, на Универзитетот во Бергамо и на Нова Сорбона во Париз.

Авторка е на пет поетски книги: „Сината соба“, „Кожа“, „Тој ме повлече со невидлив конец“, „Жива вода“ и „Крстна коска“, како и на бројни есеи и раскази.

Збирката „Крстна коска“ годинава беше влезена во тесен избор за наградата „Браќа Миладиновци“, која се доделува на фестивалот Струшки вечери на поезијата.